Amazon ги укинува тестирањата за марихуана за своите возачи

• 1. Пораст на бројот на апликанти
• 2. Претходна поддршка за канабис од страна на amazon

Дали си стоунер и сакаш да возиш велосипед? И бараш работа? Тогаш ова е добра вест за тебе, пријателе! Вади го лаптопот и средувај ја својата биографија, време е да аплицираш за работа кај џинот Amazon. Огромниот мултинационален Американски конгломерат, Amazon, познат по својата империја од е-трговија и достава, последниов период се соочува со можен недостиг на возачи за испорака, а погодете кое е решението до кое стигнале: стоунерите.

Како што можеби сте слушнале, Amazon веќе го изрази својот став во поддршка за индустријата со канабис, со јавно објавување на социјалните мрежи за нивното залагање за федерална легализација на марихуана, приклучувајќи се кон организации за социјална правда и друго. А сега, за да се надмине овој недостиг од возачи на достава, компанијата им советува на своите партнери да не ги тестираат кандидатите за вработување за употреба на марихуана.

Пораст на бројот на апликанти

Оваа нова наредба означува голема промена во бројот на апликанти за работа што компанијата ќе ги добие, дури и до 400% повеќе, како што изјавија од таму. Спротивно, тестирањето за употреба на канабис, велат тие, ја намалува базата на потенцијални вработени и до 30%.

Сѐ уште има поделени мислења меѓу партнерите за достава на Amazon. Оние што ја поддржуваат одлуката - кои веќе го укинаа канабис тестирањето на своите кандидати - се согласуваат дека марихуаната е главната причина зошто потенцијалните работници паѓаат на тестот за дроги. Со тестирање само за други супстанции, како опијати и амфетамини, има помалку возачи што ќе го паднат тестот.

Но, од друга страна, фирмите кои не се целосно задоволни од одлуката на Amazon тврдат дека токму тие ќе бидат одговорни во случај на незгода доколку се открие дека возачот бил под влијание. Во врска со тоа, еве што вели Amazon.

„Доколку доставувач е под дејство на работното место и тестира позитивно по незгода или по оправдано сомнение, тој повеќе нема да смее да врши услуги за Amazon,“

Значи, се разбира, компанијата не им дозволува на вработените да работат под влијание, но едноставно повеќе нема потреба да поминеш низ тест за тревка за да работиш таму.

Претходна поддршка за канабис од страна на Amazon

Претходно годинава, оваа мега-компанија објави дека повеќе нема да дисквалификува вработени поради употреба на марихуана, не само возачи за достава.

„Во минатото, како и многу други работодавци, дисквалификувавме лица за работа во Amazon доколку тестираа позитивно на употреба на марихуана. Меѓутоа, земајќи го предвид правецот по кој се движат законите низ САД, ја сменивме нашата политика. Повеќе нема да ја вклучуваме марихуаната во севкупните тестови за дроги.“

Сосема логично е компаниите да почнат да ги прилагодуваат своите старомодни регулативи кога и светот околу нив тоа го прави. Ако марихуаната веќе е легална во повеќе држави во САД, зошто тогаш некои работници не се примаат на работни места поради нејзина употреба? Не велиме дека треба да запалиш голем џоинт на пат кон работа, ама на пат кон дома, намиг, намиг.

НАДВОРЕШНИ РЕФЕРЕНЦИ

1. Решението на Amazon за недостиг на возачи: Вработи стоунери

2. Amazon сега ја поддржува федералната легализација на канабис