Придобивките од користењето канабис за третман на епилепсија

• 1. Но најпрво, што е епилепсија?
• 2. Како канабисот може да ја третира епилепсијата?
• 2. a. Што има откриено истражувањето на оваа тема
• 3. Канабисот за епилепсија го менува светот
• 3. a. Случајот на Шарлот Фиги
• 4. Заклучок: Потреба од понатамошно истражување

Како што можеби веќе имате слушнато, марихуаната е исклучително ветувачка супстанција во медицинската сфера. Всушност, најверојатно токму поради оваа причина со текот на времето канабисот доби поголемо признание ширум светот и успеа да стане легална супстанца во неколку земји. 

Медицинската марихуана може да се користи за третман на голем број здравствени состојби, од психолошки, како депресија, анксиозност или некои видови на нарушување во исхраната, до физички, како болка или воспаление, кожни заболувања, па дури и некои симптоми на рак. 

Една од најзначајните примени на канабисот која постојано расте е третманот на пациенти со епилепсија. Бидејќи тревата нуди и физички и психолошки ефекти, растението може да помогне да се намалат многу од симптомите поврзани со болеста, па дури и да го подобри квалитетот на живот на пациентите што страдаат од неа. 

Некои од различните придобивки од користење на канабис за третман на епилепсија вклучуваат: 

• Видливо намалување на нападите и конвулзиите;
• Подобрен квалитет на живот;
• Намалени несакани ефекти во споредба со други лекови;
• Природна алтернатива што може да се одгледува дома и повеќе.

Ајде да видиме како марихуаната го смени начинот на кој ја третираме епилепсијата.

1. Но најпрво, што е епилепсија?

За да разбереме како канабисот може да помогне во третманот на епилепсијата, треба најпрво да знаеме што е епилепсија, нели? Епилепсија е нарушување на централниот нервен систем што го менува нормалното функционирање на мозокот, предизвикувајќи напади, конвулзии или периоди на невообичаено однесување или сетила, вклучително и понекогаш губење на свеста. ¹

Ова невролошко нарушување може да се развие кај секого во секој момент, иако најчесто се јавува кај мали деца и постари лица. Човек се дијагностицира со епилепсија по неколку доживеани напади. 

Сè уште не се знае зошто се појавуваат овие напади, но се смета дека може да се наследни, или предизвикани од повреда или траума на мозокот. Лекувањето најчесто вклучува промена на исхраната, земање лекови и невростимулација, што значи испраќање електрични струи низ нервниот систем со уред. 

Сепак, не сите можат да пристапат до ваков третман, а често ниту тие не се толку ефикасни колку што е канабисот при третман на одредени типови на епилепсија кои се отпорни на лекови.

Да видиме како лицата со епилепсија можат да имаат корист и да го подобрат својот квалитет на живот со медицински канабис.

2. Како канабисот може да ја третира епилепсијата?

Додека антиепилептичките лекови навистина можат да помогнат при тртитман, 40% од пациентите се отпорни на овие лекови, што бара поиновативни решенија. Дополнително, овие лекови предизвикуваат силни несакани ефекти како екстремна поспаност, тремор, губење коса и главоболки.

Канабисот, од друга страна, е одлична и природна алтернатива на антиепилептиците.

Истражувањата покажаа дека неколку канабиноиди имаат својства за потиснување на нападите преку интеракција со големиот број CB1 рецептори во амигдалата и хипокампусот – првата е делот од мозокот поврзан со стравот и стресот, додека вториот игра клучна улога во учењето и меморијата. 

Што има откриено истражувањето на оваа тема

На пример, едно истражување од 2018 година ја проучуваше ефикасноста на канабисот во третман на епилепсија. Истражувањето се фокусираше на пациенти со Lennox-Gastaut синдром (LGS), ретка и комплексна форма на епилепсија што почнува во детството, обично кај деца од 3 до 5 години и трае и во зрелоста. ²

Кај пациентите кои имаа два или повеќе „drop“ напади неделно, некои добивале различни дози CBD, а други добиле плацебо за време на периодот на проценка. Резултатите покажаа дека нападите се намалиле за 42% кај групата со најголеми дози. 

Во плацебо групата, забележано е и намалување од 17% на нападите. Пациентите пријавиле и некои несакани ефекти, како пролив и поспаност. 

Друго истражување од 2017 година се фокусираше на користењето CBD за Dravet синдром. Оваа ретка форма на епилепсија отпорна на лекови обично се јавува во првата година од животот кај инаку здрави деца и трае цел живот. Вообичаено, предизвикува пролонгирани напади на една страна од телото и висока температура. ³

Анализирана е голема група од 120 возрасни и деца кои на случаен избор добивале плацебо или различни дози на CBD. Главната цел била да се измери промена во бројот на конвулзивни напади за време на третманот.

Кај групата со намалување на нападите до 50%, 43% биле лица што примале CBD. Но, и кај плацебо групата имало намалување на нападите за 27%. Сепак, немало значително намалување кај неконвулзивните напади. 

3. Канабисот за епилепсија го менува светот

Со тоа што марихуаната ги покажа своите ефекти во третманот на разни облици на епилепсија, сè повеќе луѓе и организации почнаа да се активираат и да го кренат својот глас. Всушност, токму ваквите иницијативи успеаја да придонесат за легализација на медицинската марихуана во неколку земји.

Одличен пример е Аргентина, а не само затоа што е мојата татковина. Во ноември 2020 година, по години борба, земјата конечно го одобри домашното одгледување на растението за медицински цели и оформи национална мрежа на снабдувачи за исполнување на потребите на оние што го користат како медицинска алтернатива.

Иницијативата прво ја почна групата Mamá Cultiva (Мама одгледува, на шпански). Започна со ширење на информацијата како растението го подобрува квалитетот на живот на децата на членовите и ја истакна важноста на легализацијата за да се почувствува мир дека никој нема да биде казнет за прекршување на законот. 

Лидерите на групата често настапуваа на радио и на интервјуа објаснувајќи дека нема шанси да престанат да даваат CBD масло на своите деца откако виделе дека тоа што некогаш било 4-5 напади неделно се претворило во 2-3 месечно.

Случајот на Шарлот Фиги

Уште еден познат случај е на Шарлот Фиги, деветгодишно девојче од Колорадо, САД. Таа доживувала масивни и екстремни конвулзии, дури и по 50 дневно, а ниту еден класичен третман не и помагал. Тогаш нејзините родители се одлучиле да и дадат масло од канабис направено од CBD и THC. ⁴

Резултатите? Од 50 конвулзии дневно на само 2 или 3 ноќни напади месечно. Ако ова не е доволен доказ за ефикасноста на тревата кај епилепсијата, што тогаш е? А овие се само неколку примери како канабисот може значително да го подобри животот на лицата со епилепсија.

За среќа, случајот на Шарлот Фиги беше објавен во списанието Epilepsia, добивајќи доволно внимание за да ги натера и поголемите авторитети и општеството воопшто да сфатат колку е важно да се истражува темата. 

4. Заклучок: Потреба од понатамошно истражување

Ако нешто научивме од овој напис, освен неверојатните и животно-менувачки придобивки од третман на епилепсија со медицински канабис, тоа е важноста од подигнување на свеста за темата. 

Кога зборуваме за свест, не мислиме само на потребата од понатамошни истражувања за усовршување на третманот со канабис за ова невролошко нарушување, туку и на потребата да се отстрани табуто околу користењето на марихуаната. Повеќе не живееме во минатото со застарени мислења, време е за промена на подобро. 

Да, некои луѓе користат марихуана рекреативно – па во што е проблемот со тоа? Не му штетиме никому, а забраната само создава непотребни препреки. Кога еднаш ќе го промениме овој тврдоглав став за канабисот, ќе се отворaт многу врати заради неверојатните резултати кои ќе ги донесат новите истражувања.

МЕДИЦИНСКО ОДРЕКУВАЊЕ ОД ОДГОВОРНОСТ

Оваа содржина е само за едукативни цели. Информациите се добиени од истражувања од надворешни извори.

НАДВОРЕШНИ РЕФЕРЕНЦИ

1. "Seizures and Epilepsy: An Overview for Neuroscientists" Carl E. Stafstrom и Lionel Carmant. Јуни 2015.
2. "Effect of Cannabidiol on Drop Seizures in the Lennox-Gastaut Syndrome" Orrin Devinsky, Anup D. Patel, J. Helen Cross, Vicente Villanueva, Elaine C. Wirrell, Michael Privitera, Sam M. Greenwood, Claire Roberts, Dan Checketts, Kevan Vanlandingham, и Sameer M. Zuberi. New England Journal of Medicine, мај 2018. 
3. "Trial of Cannabidiol for Drug-Resistant Seizures in the Dravet Syndrome" Orrin Devinsky, J. Helen Cross, и Stephen Wright. New England Journal of Medicine, август 2017. 
4. "The case for medical marijuana in epilepsy" Edward Maa и Paige Figi. Epilepsia, јуни 2014.