Канабис индустријата ќе го забрза економското заздравување на Обединетото Кралство по Ковид

Иако британската економија сè уште закрепнува по последиците од Ковид-19 пандемијата, новиот CBD-wellness пазар и медицинската канабис индустрија растат со неверојатна брзина. Благодарение на неодамнешното олеснување на регулативите во овој сектор, тој е на пат да стане најсилниот легален пазар на канабис во Европа, да привлече сериозни инвеститори, и можеби да го поттикне економскиот раст на земјата.

Импресивни бројки за растот

Иако медицинската употреба на канабис беше легализирана дури во 2018 година, а CBD производите дури сега стануваат популарни, овие две индустрии веќе вредат стотици милиони фунти.

Savills, една од водечките светски компании за недвижен имот, ја процени вредноста на CBD пазарот во Обединетото Кралство на 300 милиони фунти (415 милиони долари). Тие предвидуваат дека може да порасне до импресивни 1 милијарда фунти (1,38 милијарди долари) до 2025 година. Аналитичарите од Prohibition Partners ја предвидуваат истата вредност и за пазарот на медицински канабис, но тие сметаат дека ќе ја достигне милијардата уште побрзо – до 2024 година.

Откако индустријата – која и понатаму ја следи стигма поради децении забрана – беше прифатена од Лондонската берза, големи играчи од другата страна на Атлантикот дојдоа на европскиот пазар и предизвикаа бум во приватните инвестиции, издавањето акции и колективното финансирање на канабис стартапи.

Привлечени нови таленти и поттикнати иновации

Освен вложување пари во секторот и оживување на економијата во целост, сè повеќе познати бизнис лидери прифаќаат раководни позиции во новите канабис компании.

Така, Арџун Рајагор кој успешно ги водел компаниите како Goldman Sachs и BCG, ќе биде главен оперативен директор на Sana Life Sciences. Овој стартап има за цел да ја револуционизира пазарот за медицинска марихуана во земјата со производство на традиционални форми на лекови како спрејови, масла и таблети.

Подготвеноста на врвни менаџери од таков калибар да бидат дел од порано стигматизираниот свет на марихуана е јасен знак дека периодот на проблеми со растот за медицинскиот канабис е при крај. Ова е добра вест и за пациентите, кои ќе имаат на располагање поширок асортиман на производи, наместо само сушени цветови за пушење.

Олеснувањето на регулативите и развојот на пазарот во Обединетото Кралство привлекоа и бројни високо-технолошки стартапи. Пример е Kanabo, израелски производител на Vape Pod. Нивниот уред може мошне прецизно да дозира лекови базирани на канабис, што ќе го подобри искуството на пациентите и ќе ги направи лекарите помалку воздржани кон препишување.

И понатаму има многу што властите во Велика Британија можат да преземат за дерегулација на одредени сектори од оваа нова индустрија, како производството на CBD производи и одгледувањето индустриски коноп. Но, важно е властите да ја прифатат идејата за реформи, бидејќи тоа може да придонесе за економско заздравување поради Ковид-19 пандемијата. Исто така, ќе ја зајакне позицијата на Обединетото Кралство како најголем и најбрзо растечки пазар на канабис во Европа.