Кога почнуваат автоматите да мирисаат?

• 1. Кога почнуваат автоматите да мирисаат и зошто?
• 2. Како да го контролирате мирисот во просторијата за одгледување
• 2. a. Јаглен филтер
• 2. b. Нeутрализатори на мирис
• 2. c. Генератори на озон
• 2. d. Избор на сорта
• 3. Нашите три најдобро миризливи сорти во моментов
• 4. Заклучок

Одгледувањето канабис сè уште е незаконско во многу земји низ светот, така што одгледувачите во затворени простории се обидуваат да го елиминираат мирисот, но тоа може да биде голем предизвик, особено за време на цветање. Елиминирањето на мирисот во помали одгледувања може да се постигне со јаглени филтри или добра циркулација на воздух, додека поголемите одгледувања ќе бараат поригорозни мерки како генератори на озон и повеќе од еден филтер.

1. Кога почнуваат автоматите да мирисаат и зошто? 

Тоа препознатливо мирисање на канабис што сите одгледувачи го сакаат доаѓа од продукцијата на трихоми. Трихомите содржат канабиноиди и терпени, а токму терпеноидите се одговорни за мирисот.

Кај автоматите ова се случува помеѓу 4-6 недели, во зависност од условите за растење и генетиката на сортата. Но, генералното правило е дека вашето растение нема да почне да мириса сè додека не влезе во пред-цветање фазата.

Понекогаш мирисот може да почне уште по 3 недели од вегетативната фаза, но станува МНОГУ посилен кога растението ќе почне да формира врвчиња, па сигурно ќе мора да го контролирате.

Од 4-та или 5-та недела на продукција на цветови, мирисот може да стане малку потежок за контрола. Како љубители на канабис, сите го познаваме и сакаме мирисот на врвен ганџа, но ако никогаш не сте одгледувале, можеби не сте свесни колку е напаѓачки мирисот од растенијата (или при сушење).

Овој мирис може, и обично ќе биде, многу посилен од што било што сте го почувствувале од веќе спремни за пушење врвчиња. Тој свеж цветен мирис навистина е нешто посебно, но дури и ако живеете во легална зона за канабис, ова е аспект од одгледувањето што многумина сакаат да го контролираат. 

Ок, како да го контролираме мирисот?

Постојат неколку корисни производи на пазарот кои се специјално направени за оваа намена. Ако одгледувате на отворено, може да е малку комплицирано, но мирисот ќе биде и помалку интензивен отколку во затворена просторија. За одгледување во затворени простории, има неколку клучни уреди што може да ги користите за прикривање на сите можни мириси од канабис. Веќе накратко спомнавме некои опции погоре, но време е да навлеземе подлабоко во сите нив.

Една работа што треба да ја имате на ум е никогаш да не штедите на опрема за канабис. Секако, ќе најдете на интернет шаторчиња за одгледување, јаглени филтри, вентилатори и што уште не по ниски цени. Но, најчесто се работи за евтини копии што навистина нема да ви помогнат. На пример, евтино шаторче ќе пушта мириси како ништо друго, без оглед на тоа колку добар е јаглениот филтер. Подобрете си ја целата опрема уште од самиот почеток – ќе заштедите пари на долг рок.

2. Како да го контролирате мирисот во просторијата за одгледување

Јаглен филтер

Ова е можеби една од најдобрите методи за минимизирање на мирисот во затворена просторија. Се работи за докажан и тестиран метод и функционира за сите големини на простории. Јаглените филтри работат така што ја влечат мирисната атмосфера и ги филтрираат нечистотиите од воздухот кој поминува преку нив со помош на издувен вентилатор.

Важен елемент е да нема протекување на воздухот и да осигурате дека целиот мирис минува низ филтерот, така што надвор ќе излегува само воздух без мирис. Јаглените филтри имаат различни димензии (во зависност од капацитетот на просторијата) и се достапни во сите продавници за одгледување.

Нeутрализатори на мирис

Евтино решение за прикривање на мирисот е употребата на неутрализатори за мирис. За разлика од јаглениот филтер, неутрализаторите не ја чистат атмосферата, туку се дизајнирани за да замаскираат непријатни мириси. Одгледувачите користат спрејови или темјан за да го прикријат мирисот, но не се многу ефикасни.

Неутрализаторите најчесто се во форма на гел и содржат активни хемикалии, па за максимален ефект мора континуирано да се менуваат. Бидејќи работат на хемиско ниво, треба да внимавате каде ги поставувате – ако се блиску до растенијата има голем ризик да го нарушите вкусот и мирисот на врвчињата.

Негативната страна е што траат кратко и постојано треба да се менуваат, па многу одгледувачи не ги сметаат за сериозно решение, освен ако просторот е навистина мал.

Совет: Денес може да се најдат и еколошки безбедни неутрализатори, но сепак ви препорачуваме инвестиција во јаглен филтер.

Генератори на озон

Генераторот на озон е уред што може да служи како прочистувач на воздухот, кој ги отстранува загадувачите. Генераторите на озон обично се користат во големи простории со многу растенија. Неодамна се воведени во канабис одгледувањето и се сметаат за ефикасен начин за елиминирање на мирис, нечистотии, па дури и патогени бактерии од просторијата.

Иако уредот е скап, големиот недостаток му е штетност за околината и може да предизвика иритација на белите дробови. Во некои земји овие уреди се и забранети, па советуваме да се консултирате со вашиот локален grow shop пред да употребите генератор.

Избор на сорта

Овој метод не е премногу ефикасен, бидејќи сите автоматски сорти мирисаат, иако некои помалку од други. Изборот на сорта со помал мирис може да помогне во мали простории. Indica-доминантните сорти со поблаги вкусови и слатки терпени, како што се Girl Scout Cookies Auto и Blackberry Auto имаат тенденција да мирисаат помалку. Но, сите знаеме дека секој одгледувач го сака тој уникатен мирис на канабис, така што сепак ви препорачуваме да инвестирате во филтер и да ја растете вашата омилена сорта, без разлика на мирисот.

3. Нашите три најдобро миризливи сорти во моментов

Скоро беше изведен интересен експеримент на едно од најголемите натпреварувања за канабис во Лос Анџелес, САД. Наместо да им дадат на судиите оценки со сите параметри за секоја сорта, им беше барано да ги оценат цветните примероци целосно слепо – без THC проценти, без terpene профили и дури не им беше дозволено ни да ги видат врвчињата – никаква претходна информација. И знаете кои врвчиња победија? Не беа најсилните. Не беа ни најубавите визуелно.  Победникот беше Afghan x Purple Punch врвче со 19% THC. Не беше наше, но резултатот докажува нешто што мнозина го пропуштаат – Аромата е крал кога станува збор за задоволството од врвчињата. 

На натпреварот имаше навистина некои од најсилните и најатрактивни сорти што моментално се достапни. Но, вкупниот победник не беше ни најљубичаст, ни најсмрзнат, ни најсилен. Едноставно, беше најмиризлив, и тоа со голема разлика. Покрај тоа, нудеше и многу чист и лесен high.  Така, ако барате најзадоволувачки сорти во моментов, обавезно пробајте ги следниве.

Gorilla Cookies Auto

Gorilla Cookies Auto е една од најиздржливите и најотпорни сорти досега, можеби и најдобро миризлива авто-сорта воопшто. Има совршено балансиран микс од земјени kush ноти, со суптилни нијанси на мента, дизел и лимон. Cookies генетиката го дава тој сладок и нежен вкус при вдишување, што потоа се претопува во нешто многу покомплексно. Дизелот го заокружува вкусот и создава нешто навистина посебно.

Tropicana Cookies Auto 

Tropicana Cookies Auto е една од нашите најнови сорти и е вистинска purple ѕверка со исклучително комплексен вкус и мирисен профил. Дебелите и исклучително смрзнати врвчиња имаат силен цитрус мирис, кој се заокружува со суптилен цветен акцент. Кога станува збор за вкусот – полна е со изненадувања. Почнува со очекуваниот слатко-лимонест налет, но тоа брзо преминува во покомплексни тропски ноти, мешани со билки и земјени нијанси. 

Strawberry Banana Auto 

Последна е Strawberry Banana Auto. Ароматичниот спектар што оваа сорта го нуди навистина изненадува, а вкусот само го потврдува тоа. Ќе најдете bubblegum, јагода, банана, сандалово дрво и земјени нијанси – сè во едно.

4. Заклучок

Без разлика колку е голема вашата операција за одгледување, ви препорачуваме да инвестирате во филтер за воздух. Цената варира – од околу 50 евра па сè до 200 или повеќе. Ова е единствениот начин да бидете сигурни дека целиот мирис е елиминиран и дека нема да имате проблеми со комшиите или со законот.