Може ли да се клонираат автоцветни растенија?

• 1. Што точно е клонирање?
• 2. Предности на користење клонови
• 3. Што се мајчини растенија?
• 4. Придобивки од мајчино растение
• 5. Што со клонирање на автоцветни сорти?
• 6. Сличности меѓу клонови и автоцветен канабис
• 7. Предности на одгледување автоцветни семиња во споредба со клонови
• 8. Заклучок

Клонирањето е начин да создадете генетска реплика на култиварот кој го одгледувате. Постојат многу предности при користење на клонови во споредба со одгледување од семиња, па во овој текст објаснуваме што е клонирање, бенефитите, клонирањето на автоцветни растенија и разликите меѓу работа со клонови и автоцветни култивари.

1. Што точно е клонирање?

Кога зборуваме за фотопериодски сорти кои зависат од раздвоен циклус на растење и цветање, штом растенијата се во зрела вегетативна фаза, можно е да се земе резница од растението, со цел истата да се вкорени.

Доколку се исполнети точните услови за тајминг и начинот на земање на резницата, можно е да се земат било каде од 5-50 клони од едно растение, со разбирање дека растението ќе порасне повеќе разгрането и грмушесто.

2. Предности на користење клонови

• Клонови од машки растенија може да се користат за класична опрашувачка селекција и за backcrossing.
• Ќе се добие точна генетска реплика кога клонираното растение ќе вкорени.
• Идеално за Sea of Green поставки кои бараат растенија со помали димензии.
• Како што се веќе вкоренети, клоновите може веднаш да се стават на цветање ако е потребно.
• Еден клон може да прерасне во мајчино растение, овозможувајќи повеќе клонови.
• Вегетативно време се штеди со користење клонови поради нивната зрелост.
• Клонови може да се добијат од проверени извори со добра репутација и препорака од одгледувачи.

3. Што се мајчини растенија?

Откако одгледувачот ќе посвети време на одгледување на садница од семе, ќе ја израсне, ќе ја процвета и ќе одлучи дека ги има сите посакувани карактеристики, тогаш тој добитен фенотип станува мајчино растение. Целта е мајчиното растение да биде единствен извор за резници секои 2-4 недели по појавата на нов пораст, во зависност од зрелоста и култиварот.

Постојат многу придобивки од одгледување на мајчино растение, но тоа мора да се одржува во вегетативна состојба, што значи дека светлосниот циклус не смее да се менува од 18-24 часа светлина.

4. Придобивки од мајчино растение

• Не е потребно понатаму да купувате големи количини феминизирани семиња.
• Клоновите ќе бидат иста реплика и може да се земаат свежо штом растението закрепне.
• Додека се одржуваат во вегетативна состојба нема да влегуваат во цветање.
• Чувањето повеќе мајчини растенија во grow room дозволува поголеми проекти.
• Одгледувачите ќе чуваат и мајчино и татково растение за понатамошен развој на генетики.

5. Што со клонирање на автоцветни сорти?

За разлика од фотопериодските култивари опишани погоре, автоцветните хибриди за жал не можат да се клонираат. Бидејќи тие автоматски цветаат по 21 ден или повеќе, невозможно е да се чуваат во вегетативна состојба и да се одгледаат во големо мајчино растение. Сепак, автоцветните канабис растенија се навистина слични на работа со клонови доколку сакаате да заштедите време и сакате практичност. На пример, ако целта ви е да одгледате што повеќе помали растенија за што пократко време, одгледувањето клонови во затворено може да овозможи берба секои 8-10 недели, во зависност од култиварот. Ова е многу слично на работата на автоцветните канабис растенија. Автоматите имаат вградено генетско тајмерче кое автоматски го менува растот од вегетативна во фаза на цветање по околу 21 ден (зависно од сортата), па може да очекувате целиот животен циклус од семе до берба да биде завршен за 8 до 11 недели (повторно, зависи од сортата).

Јасната предност на автоцветните сорти во однос на клоновите е тоа што автоматите не се под влијание на траењето на светлосниот циклус кога станува збор за фазата на растење. Како што веќе зборувавме, клоновите се земаат од нормални фотопериодски растенија. Фотопериодските растенија се контролираат со светлосните циклуси за тоа во која фаза од животот се наоѓаат, што значи дека се исклучително осетливи на промена на светлината и нејзиното времетраење.

Автоматиките не се такви. Поставување на перманентна берба со автоцветни канабис растенија е супер лесно бидејќи растенија во која било фаза од животот можат да бидат под ист светлосен режим. На пример, може да наместите пространа grow соба или шатор, да инсталирате повеќе LED панели поврзани со тајмери на 20 часа вклучено / 4 часа исклучено светло и да ги оставите така колку сакате. Простор од 2м x 2м може да собере 10 до 18 цветни растенија, па може да започнете со 8, а кога ќе почнат да цветаат додадете нови 8. 

Кога првите 8 се спремни за берба, само додадете нови 8 и продолжете со циклусот. На овој начин, имате речиси неограничена залиха на врвни цветови од една единствена просторија со минимален напор и мака – нешто што секој одгледувач го сака, нели? Автоцветните канабис култури бараат и помалку прихрана од обичните (отприлика половина од хранливите материи), се многу отпорни не само на штетници, туку и на габи и болести, и денес речиси секоја сорта што ја знаете ја има и авто форма со ист THC процент, а некогаш и со поголемо количество CBD. Одгледувањето автоцветни сорти едноставно го олеснува животот на секој одгледувач на канабис. 

6. Сличности меѓу клонови и автоцветен канабис

• Клонови и автомати се одлични за средноголеми растенија во Sea of Green.
• Автоматите може да растат со многу мала грижа или тренирање на растението.
• Двете ќе се фокусираат на цветање и бараат само исхрана за цветање.
• Можно е да се одгледуваат и фотопериодска и автоцветна верзија на ист култивар.
• Некои автомати може да се заберат за само 9 недели овозможувајќи брза ротација.

7. Предности на одгледување автоцветни семиња во споредба со клонови

Колку и да е практично да имате просторија полна со вкоренети клонови спремни за цветање, сепак постојат неколку поголеми предности на автоцветните сорти во споредба со клонови.

1. Изборот на култивари во автоцветна форма е многу поголем отколку клонови со сигурно потекло. Ова им овозможува на одгледувачите да бираат од широк спектар на вкусови, ефекти, време на цветање, висина на растенија и сл. Во зависност од каде живеете и колку контакти имате, да најдете сигурни клонови не е секогаш лесно.

2. Клонови може да се одгледуваат надвор и да се остават без надзор на крајот од летото, а потоа преку техниката на лишување од светло да се контролира цветањето остатокот од годината. Автоцветниот канабис може да се одгледува кога било во годината без дополнителна помош. Ова овозможува берба 3-4 пати годишно во некои земји.

3. Автоцветните култивари се многу издржливи и отпорни на ладни и топли клими. Имаат далеку подобра шанса да преживеат во студени и непогодни надворешни услови, и да дадат одлични резултати.

4. Семињата може безбедно да се испратат до вашиот дом, за разлика од клонови кои треба да се обезбедат и транспортираат. Исто така, можете да изберете од големо мени на сорти, со детални описи колку добро култиварот е прилагоден за различни услови на одгледување, тренинг на растенија и клима.

5. Клоновите често можат да дојдат со пајаковки кои брзо ја освојуваат градината. Пајаковките се исклучително незгоден штетник кој ќе бара третмани и превенција. Со семе поведувањето на зараза е речиси невозможно, што овозможува чиста, безбедна и здрава градина без инсекти.

8. Заклучок

За жал, невозможно е да се клонираат автоцветни канабис растенија, но придобивките од автоцветните семиња во споредба со фотопериодните сорти и клоновите се навистина вредни. Со тоа, можете континуирано да берете автоцветни канабис растенија во еден шатор со само едно светло доколку планирате и го тајмирате сè како што треба. Не е исто како клонирање, но и така ќе можете да берете растенија на секои 2-3 недели и да заштедите време, слично како што клонирањето е корисно кај фотопериодскиот канабис. Сè што треба да направите е да ги пикнете семињата, да почекате 2-3 недели тие да влезат во средна вегетација, и да пуштите следна тура семиња за првата да биде неколку недели понапред. Ако сè оди како што треба, ќе берете првата тура, а после 2-3 недели втората. Планирајте добро, продолжете да покренувате нови и ќе имате сопствен перманентен систем за берба и тоа без да треба да го менувате светлосниот циклус.

Автоматите се одлични и за надворешно одгледување во сите клими, совршени за комерцијални производители и идеални за почетници кои штотуку почнуваат со канабис и сакат да го прават истото надвор цела година!