Панама ја легализира медицинската марихуана

• 1. Лиценца за одгледување
• 1. a. Повик за легализација
• 2. Канабис во регионот

Уште една земја презема чекор кон легална марихуана. Станува збор за централноамериканската држава Панама, која го одобри користењето на канабис за медицински цели. Со ова, земјата станува прва во регионот што го регулира користењето на оваа супстанција. 

Легализацијата се случи по третата законодавна расправа на Националното собрание на Панама, каде сите 44 гласа беа „за“, без ниту еден против. Ова ново одобрување ќе доведе до создавање на регулаторна рамка со цел да се контролира употребата и пристапот до растението за „терапевтски, медицински, ветеринарни, научни и истражувачки цели“. Законот ќе стапи на сила по претходното одобрување од Лаурентино Кортизо, актуелниот претседател на државата, и ќе врши управување и регулација на одгледувањето, производството, увозот и извозот на канабис во новиот сектор.

Лиценца за одгледување

Со овој нов закон, одобрени лиценцирани компании ќе можат да започнат со свои операции за одгледување во Панама, земја со скоро идеални, ако не и совршени услови за одгледување на канабис растенија. Истовремено, ќе се одредат државно регулирани зони со ограничен пристап, наменети исклучиво за одгледување на марихуана. Сепак, условите сè уште не се толку оптимални, бидејќи само фармацевтски компании или други фирми специјализирани за медицински услуги ќе можат да ја набавуваат и комерцијализираат растението. 

Повик за легализација

Се поставува прашањето што ја води една земја кон толку крупна промена. Па, како што често се случува во историјата, луѓето го креваат својот глас.

На почетокот, кога користите од употребата на канабис од медицински аспект станаа толку очигледни, земјите ширум светот почнаа да го менуваат ставот за ова растение. Но, во меѓувреме, во оние земји каде властите беа затворени за можностите што ги нуди канабисот, таму народот почна да ја прави промената.

Во Панама, токму барањата од пациентите за пристап до медицинска марихуана растеа толку брзо, што владата беше приморана да почне да размислува како да го адресира овој предизвик.

Канабис во регионот

Легализацијата на канабис за медицинска употреба во Панама дефинитивно означува нова ера за регионот. Ова ќе биде инспирација – соседните земји, читајќи ги овие вести, ќе почнат да ги преиспитуваат сопствените ставови по ова прашање. Таков е примерот и со Костарика, која исто така размислува за легализација на марихуаната. Како што се дискутираше, по легализацијата ќе биде дозволено одгледување на коноп и канабис за производство на различни продукти.