Снуп Дог инвестира во германски стартап за канабис, кладeјќи се на претстојната легализација

Минатата недела, компанијата на Снуп Дог, Casa Verde, учествуваше во Series B инвестициски круг за стартап кој моментално снабдува аптеки во Германија со медицински канабис. Компанијата Cansativa од Франкфурт доби чек од 15 милиони долари од рап-иконата, што е најголемиот чек што го има напишано до сега.

Ова не е првпат Снуп Дог да се клади на светлата иднина на европската канабис индустрија. Тој има удел и во AceCann, производител на медицинска марихуана во Португалија. Сепак, Германија, кога конечно ќе ја спроведе одамна најавуваната целосна легализација на канабисот, ќе стане најголемиот легален пазар во светот.

Кладба на лидерот

Во моментов, Германија дозволува само медицинска употреба на канабис, но земјата е единствена бидејќи целосно ги рефундира пациентите за нивната терапија со канабис. Веројатно, ова е причината зошто Германците трошат 15 метрички тони годишно, а ако трендот продолжи, до 2024 ќе сочинуваат повеќе од половина од вкупната употреба на медицинска марихуана во Европа.

Постојат и поамбициозни проценки дека Германија ќе консумира 200 метрички тони рекреативен канабис во рок од две години од предложената легализација. Секоја компанија што ќе се позиционира како лидер во индустријата ќе гледа монументални приходи. А Cansativa, самопрогласениот „Amazon за канабис“ од Германија, изгледа е најбезбедна опција.

Одлична форма и импресивни перспективи

Основана од браќата Бенедикт и Јакоб Сонс, Cansativa е технолошка платформа која им овозможува на аптеките лесно да купуваат канабис од меѓународни и домашни добавувачи. Освен што е лидер на пазарот во дистрибуција на увезен канабис, Cansativa има ексклузивен четиригодишен договор за снабдување со локално одгледувана марихуана.

Средствата собрани од последната инвестициска рунда ќе бидат насочени кон тимот софтверски инженери кои треба да ја подготват B2B платформата за дистрибуција за поголема експанзија. Платформата треба да биде лесно скалабилна за да ги вклучи и рекреативните корисници. Сопствениците очекуваат дека ова нема да претставува проблем затоа што регулативата за диспенсерии ќе биде слична на онаа за аптеките.

Поеамбициозната цел на Cansativa го опфаќа целиот европски пазар. Стратешката локација во Франкфурт, кој е еден од најголемите транспортни јазли во Европа, обезбедува одлична логистика и брза достава низ целиот континент.