Велика Британија: Ново истражување ги анкетираше корисниците за најдобриот модел на регулација на канабисот

Тим научници од Велика Британија се зафати да изгради модел за регулирање на идниот пазар на канабис во земјата. Нивната цел не беше толку да го набљудуваат предизвикот преку призмата на здравството и полицијата, туку да развијат систем кој реалните корисници на канабис би го прифатиле. Идејата беше новата регулаторна рамка да може успешно да се натпреварува со црниот пазар. Или, уште подобро, тој целосно да исчезне.

Учесници регрутирани преку Мултидисциплинарната асоцијација за психоделични студии

Истражувачите решија да ги добијат резултатите од вродено пристрасна група на луѓе кои имаат личен интерес во реформата на канабисот и се информирани за психоделиците воопшто. Со тоа на ум, тие ги пласираа огласите преку социјалните мрежи и нивниот билтен на Мултидисциплинарната асоцијација за психоделични студии (MAPS). Овие канали им овозможија да достигнат и регрутираат и значителен број здравствени работници.

Како резултат, тимот имаше можност да спроведе анкета со 397 лица од различни земји, најмногу од Велика Британија и САД. Поголемиот дел од нив барем еднаш во животот имале користено канабис. Значајно е тоа што одговорите укажаа дека дел од учесниците имаат грижи за можните ризици при употребата на супстанцијата и не се залагаат за целосна дерегулација.

Аптеки и шиша-барови како преферирани продавачи на канабис

Претходно истражување покажа дека репрезентативен примерок од населението на Велика Британија смета дека канабисот треба да се продава во аптеки, наместо во лиценцирани продавници или на црниот пазар. Во 2018, земјата го премести канабисот во Список 2, дозволувајќи им на пациенти со одредени медицински состојби да добијат пристап до ова лековито растение. Сепак, лицата кои сакаат да пробаат канабис-терапија сè уште се соочуваат со големи препреки.

Новото истражување откри дека на учесниците им се допаѓа идејата канабисот да се продава во аптеки. Сепак, сметаа дека – за намалување на штетите – супстанцијата треба да биде достапна и без рецепт. Во исто време, не се противеа на тоа пациентите да бидат интервјуирани и скринирани за можни проблематични навики.

Повеќето испитаници сметаа дека треба да постои и регулиран рекреативен пазар, надвор од системот на аптеките. Ја поддржаа идејата за шиша-барови или hookah lounge простории, каде ќе биде дозволена onsite употреба на канабис. Како последно, тие заклучија дека луѓето треба да имаат право да одгледуваат канабис во својот дом и да го користат медицински или рекреативно, но не и за продажба со профит.

Студијата беше објавена во списанието Drug Science, Policy and Law на почетокот на месецов.