Amazon дава поддршка за федерален закон за легализација на марихуана

Во твит во вторникот, Amazon соопшти дека дава целосна поддршка за иницијатива што ќе го отстрани канабисот од листата на забранети супстанции на национално ниво. The States Reform Act беше воведен минатиот ноември и, ако се усвои, ќе го третира растението канабис и неговите психоактивни состојки како алкохол.

Овој гигант за онлајн продажба долго време ја смета забраната на канабис за застарена политика. Во септември минатата година, компанијата објави дека повеќе нема да ги тестира своите возачи за употреба на марихуана, поставувајќи пример за други големи компании да се откажат од тестирања за нововработени. Amazon исто така потроши милиони долари за лобирање за федерална реформа на канабис.

Државите имаат слобода сами да ја креираат својата политика за канабис

Според новиот предлог-закон на претставничката Ненси Мејс, нелегалниот статус на растението и неговите психоактивни деривати ќе биде укинат на федерално ниво, но секоја држава ќе може самостојно да го одреди својот пристап.

Во државите каде веќе е легализирана медицинска или рекреативна употреба на канабис, индустријата веќе нема да биде под закана од федерално гонење. А во оние каде што се размислува за реформа, може да изберат дали да ја продолжат забраната или да ја завршат. Ако одлучат за легализација, единствените ограничувања од федералниот закон ќе бидат минимална возраст од 21 година и акциза од 3% на продажбата на канабис.

Реформа на канабис поддржана од Републиканци? Ова е новост!

Ова не е прв закон за федерална легализација на канабис предложен од американски законодавци. Но, е уникатен по тоа што авторите на иницијативата се само Републиканци.

Јавната поддршка за реформа постои со години, но конгресмени и сенатори не се осмелуваа да ја следат волјата на граѓаните, а Републиканците секогаш заостануваа зад Демократите во анкетите. Дополнително, сите претходни предлози за легализација на канабис пропаднаа поради силната опозиција од ГРО (GOP).

Фактот што најновата мерка е предложена од Републиканци и е сеопфатна како и секоја на Демократите е најсигурен знак дека овојпат ќе биде поинаку. Во 2012, Колорадо го прокрчи патот за легализација на канабис, дозволувајќи рекреативна употреба, и веќе не е толку луда идеја дека за уште една деценија целата држава ќе го следи примерот.